الحياه مش بس جنس

هذا هو عنوان كتابى التالى

فبعد ان وفقنى الله فى الكتاب الذى قمت بأعداده فى صيانه المحمول
سوف تتوالى أعمالى الكتابيه فى السوق
وقبل ان اقوم بتنزيل اى كتاب فى السوق باذن الله
هنزلهولكم فى المصريه
وانا حاليا بقوم باعداد كتاب فى سيره الرسول
وكتاب اخر يتحدث عن عالم العفاريت
واخر يتحدث عن مشكله الثقافه الجنسيه والافكار السلبيه
لان هذا الموضوع اصبح الشغل الشاغل لدى الكثير
وكل المصائب التى تحدث فى الدنيا تحدث من ورائه


وده شعر بسيط كده من الموجود فى الكتاب يارب يعجبكم وانتظرو اعمالى قريبا فى الاسواق
ابن المصريه



مهندس علاء ريعو




************************



انا هتكلم كده وياكو
ولافيه ازمه ولافى كسوف
حجات بتحصل والله معاكو
وكل شيء اصبح مكشوف
ده الواد بيطلع من بطن امو
وكل شيء لديه معروف
بكل ادب وبكل زوء
عايزك تفهم معنى كلامى
انا عايزك تعقل وتفوء
مش تضحك بس على كلامى


كنازمان بنقول الدنيا ضحك ولعب وجد وحب
بقت الدنيا خلاص دلوقتى
ضحك ولعب وجنس وكدب
ليه فاهمين الحب ياناس
بس علاقه مابين جنسين
الحب ده اجمل احساس
مش بس مجرد جسدين
ممكن حبك يبقى لماما يبقى لبابا
يبقى لجدو
والنعمه ياناس انتو غلابه
وبتفكيركم ده هتهدو
ورا شهواتنا ياناس ماشين
امتا هنصحى يابنى أدمين
يمكن والله كلامى مايعجب
واد او بت ده مش مهم
مش هتراجع عنو وهكتب
أيمانك بالفكره أهم
ياما قالولى اسكت وما تكتب
وماعمرى سكت يامحمود
انا افكر انا افكر
اذا انا هنا موجود
ومحدش يستجرى ويسأل مين محمود
خليكو فى موضعنا يا ناس اعملو معروف