يا ريتك قولتى حاجة

يا ريتك قولتى حاجة قبل ما تمشى تسيبينى
يا ريتك جيتى بكلمة أو بنظرة تعاتبينى

ليه فجأة لقيتك بعيد
وسايبانى وحيد

وناسية ان فيه وعود

بينك وبينى

كان لازم تسمعينى
مش تمشى تودعينى

كأن دة منك مقصود

ان انتى تعذبينى


ماهنش عليكى تدينى فرصة وتيجى تكلمينى
اختارتى قلبك يقسى عليا ومنك تحرمينى
عارفة الظلم بيجرحنى ورضيتى برضو تظلمينى

بتاخدى تارك منى
بقسوة البعد عنى

عارفة انتى عاملتى ايه فيا؟

انتى قاسمتينى


فاكره اتفقنا قبل ماتزعلى منى ، تتحملينى
تعرفى ايه ؟ وازاى وليه؟ وتيجى تسألينى
لكن بسكوتك دة وبعدك انتى بتقتلينى

افتكرى كلامك ووعدك
وانهى عندك وبعدك
مانتى لازم تحسى بيا

حتى لو خاصمتينى